НОК, НАБТГ, Нийслэлийн Цагдаагийн газрын хамтын ажиллагааны хүрээнд Нийслэлийн агаарын чанарын хяналт шалгалт тавьсан ажлын талаарх мэдээллийг мэргэжлийн байгууллагуудын төлөөллүүдийг оролцуулан долоо хоног бүрийн даваа гарагийн 10 цагт хэвлэл мэдээллийн хэрэгслээр дамжуулан тогтмол хүргэж байгаа. Нийслэлийн Агаар, орчны бохирдолтой тэмцэх газрын дарга Б.Пүрэвсүрэн: Өнгөрсөн 7 хоногийн даваа гарагт Нийслэлийн Засаг даргын шуурхай зөвөлгөөнөөс өгсөн үүрэг даалгаврын дагуу 6 дүүргийн зорилтот айл өрхүүдэд сайжруулсан шахмал түлшийг олгох халамжийн үйлчилгээг Нийслэлийн Халамжийн газар, Таван Толгой Түлш ХХК, Нийслэлийн Агаар, орчны бохирдолтой тэмцэх газар нар хамтран ажиллах үүрэг авсан. Энэ хүрээнд зорилтот 6098 айл өрхүүдэд сайжруулсан шахмал түлшийг олгохоор боллоо. Тухайн айлуудад сайжруулсан шахмал түлш худалдан авах картыг нь цэнэглэн, ойр байгаа түлшний цэгээсээ 7 хоногийн 6 шуудай сайжруулсан шахмал түлшээ авахаар зохицуулан шийдвэрлэн ажиллаж байна. Мөн Нийслэлийн Цагдаагийн газартай хамтран 102 тусгай дугаарын утсанд түүхий нүүрсний хэрэглээний зөрчлийн мэдээллийг авч амжилттай ажиллаж байна. 2021 оны 12-р сарын 31-ний өдөр МУ-ын Шадар сайдын тушаалаар 18 ажлыг хийж гүйцэтгэх ажлын хэсэг байгуулан ажиллаж эхэлсэн. Уг ажлын хэсэг нь түүхий нүүрсний хэрэглээ, түүхий нүүрсийг хэрэглэж буй аж ахуй нэгжүүдийн зуухны шүүлтүүрийн ажиллагаа, агаарт нөлөөлөх нөлөөлөл, түүлшний чанар стандарт болон түүн дээр бодитой дүгнэлт, хяналт шалгалт хийх гэх зэрэг 18 ажил хийхээр төлөвлөсөн.Өнгөрсөн долоо хоногт түлшний 608 борлуулалтын цэг борлуулалт, түгээлтийг хийж ажиллалаа.Нийслэлийн Засаг даргын захирамжаар 2022 оны өвөлжилтийн бэлтгэл ажлыг хангах хүрээнд 62 мянган тонн шахмал түлшийг Нийслэлийн 6 дүүрэгт нөөцлөсөн. 2021 оны 12-р сарын 31-ний байдлаар 22 мянга 100 тонн нөөцтэй байна. Уг нөөц нь цагаан сарын баярын өдрүүдэд хүрээлцээтэй хэмээн хэллээ.
Зорилтот бүлгийн 6098 айл өрхөд сайжруулсан шахмал түлшийг олгохоор боллоо
