Author: Business Insider

Өнгөрсөн амралтын өдрүүдэд /2019.04.20-21/ Тээврийн цагдаагийн албаны Жижүүрийн шуурхай удирдлагын хэлтэс зам тээврийн ослын шинжтэй 334 дуудлагыг хүлээн авч шалгажээ. Ослын улмаас нийслэлд нэг, орон нутагт нэг хүний амь нас хохирч, 6 хүн гэмтэж бэртсэний 3 нь хүүхэд байна. 2019.04.21-ний өдөр БЗД-ийн нутаг Улиастай зам, … тоот хашаан дотор амины H.Sonata5 маркийн автомашины жолооч нь хашаан дотроо тоглож байсан 1 нас 7 сартай эрэгтэй М гэх хүүхдийг мөргөж амь насыг нь хохироожээ. 2019.04.20-ны өдөр 11.00 цагийн орчим Говь-Алтай аймгийн Жаргалант сумын нутаг “Шаврайгийн тал” гэх газар шороон замд Dayun маркын улсын дугааргүй мотоцикл онхолдож, жолооч 49 настай, эрэгтэй Д-н амь…

Ням гаригт буюу өчигдөр болсон Украины Ерөнхийлөгчийн сонгуульд урьдчилсан байдлаар Владимир Зеленский ялалт байгуулжээ. Инээдмийн жүжигчин, найруулагч, продюсер, улс төрч Владимир Зеленский Украины Ерөнхийлөгчийн сонгуульд илт давуу буюу 73.4 хувийн санал авч илүүрхсэн байна. Харин өнөөгийн ерөнхийлөгч Петр Порошенко 24.63 хувийн санал авчээ. Улс төрийн туршлагагүй тэрээр Украины телевизийн “Ард түмний зарц” цуврал кинонд санамсаргүй улсын ерөнхийлөгч болсон жирийн багшийн дүрд тоглож алдаршсан юм. Санал хураалтаас хоёр хоногийн өмнө болсон мэтгэлцээний үеэр Зеленский “Би бол улс төрч биш. Би бол тогтолцоог эвдэхийг зорьж буй жирийн иргэн” гэж өөрийгөө танилцуулсан байна. Жүүд гаралтай Зеленский нь хуульч мэргэжил эзэмшсэн боловч сүүлд шоу бизнест…

“Сант Марал” төвөөс өнгөрсөн долоо хоногт ээлжит судалгаагаа танилцуулж, топ улстөрчдийг зарлалаа. Судалгаагаар иргэдийн 24.3 хувийн саналаар Ерөнхий сайд, МАН-ын дарга У.Хүрэлсүх топ улстөрчдийн жагсаалтыг тэргүүлж, 21.5 хувийн саналаар Ерөнхийлөгч Х.Баттулга удаалсан байна. Харин гуравдугаарт ЗГХЭГ-ын дарга, УИХ-ын гишүүн Л.Оюун-Эрдэнэ бичигдэв. Ийнхүү тэрээр анх удаа топ гуравт багтаж байгаа юм. Хамгийн сүүлд гаргасан судалгаатай харьцуулахад Ерөнхийлөгч нэг байр ухарч, Ерөнхий сайд тэргүүн байрт оржээ. Харин Л.Оюун-Эрдэнэ ах нарынхаа араас нэхэж гарч ирсэн нь энэ удаагийн судалгааны онцлог байв. Түүнчлэн топ улс төрчдийн жагсаалтад Төрийн гурван өндөрлөгийн нэг, УИХ-ын дарга Г.Занданшатар багтсангүй. Топ гурвын араас УИХ-ын гишүүн Ж.Батзандан (12.8 хувь), МАХН-ын…

Төр нийгмийн нэрт зүтгэлтэн С.Зоригийг хөнөөсөн хэрэг улстөрчдийн хожооны хөзөр, сонгуулийн амлалт болоод хэдэн ч оныг үдэв дээ. Ихэнхдээ үнэн мөнийг олох биш өнгөц төдийхөн дуулиан дэгдээгээд орхидог жишиг бараг л тогтчихлоо. Харин энэ удаагийн ээлжит дуулиан эрүүдэн шүүсэн бичлэгээр үргэлжилж, одоо бараг л замхрах шатандаа орж байх шиг. Тэгвэл ардчиллын анхдагчдын нэг С.Зориг агсны мэндэлсэн өдөр энэ амралтын өдөр тохиолоо. Уламжлал ёсоор түүний хөшөөнд цэцэг өргөж, нам болоод журмын нөхөд нь гашуудаж өнгөрөөлөө. Үүнтэй зэрэгцэн С.Зоригийг хөнөөсөн хэрэгт гурван шатны шүүхээс ял аваад байгаа хэрэгтнүүдийг эрүүдэн шүүсэнд хэн хариуцлага хүлээх, хууль хяналтынхан өнөөг хүртэл илрүүлж чадахгүй байгаа захиалагч замхрах…

Японы нийслэл Токио хотноо энэ сарын 20-21-ны өдрүүд Японы 36 дахь удаагийн аварга шалгаруулах каратегийн олон улсын нээлттэй тэмцээн /International Karate Friendship 2019 & The 36th All Japan weight category karate championships/ боллоо. Киокушин каратэгийн нөхөрсөг нээлттэй тэмцээнд 20 орчим орны 30 орчим дожоны 2000 гаруй тамирчин оролцсон уг тэмцээнд Монгол улсаа төлөөлөн нийт 15 тамирчин бага нас, өсвөр нас, ахмадуудын ангиллын жин тус бүрд өрсөлдсөн юм. Тэмцээнээс Монголын баг тамирчид нэг алт, хоёр хүрэл медаль авч, түүхэн амжилтын эзэд боллоо. Тодруулбал, Орчлон сургуулийн 2b ангийн сурагч Н.Нэмүн долоон насны ангилалд алтан медаль, 35-39 насны ангиллын +80 кг-ийн жинд ОУККБ-ын Монгол дахь…

НИТХ-ын төлөөлөгч С.Мөнхчулуун ба хүнсний ногоо тариалагчид, нэр бүхий иргэд мэдээлэл хийлээ.Тэд Нийслэлийн Засаг Дарга бөгөөд Улаанбаатар хотын захирагч С.Амарсайхан нийслэлийн 50 га газарт агро парк байгуулж Хятадын “Тяньжин фүүдс” төрийн өмчийн компаниар хүлэмжийн аж ахуй эрхлүүлэх төсөл эхлүүлэхээр шийдвэрлэснийг эсэргүүцэж буй ажээ. Уг асуудлыг НИТХ-ын тэргүүлэгчдээр 2018 оны гуравдугаар сарын 27-ны өдөр хэлэлцээд НИТХ-ын төлөөлөгчдийн олонхийн саналаар дэмжээгүй аж.Гэтэл хурлын дараа Нийслэлийн Засаг дарга С.Амарсайхан өөрөө дур мэдэн шийдвэр гаргаж, ЗГХЭГ-ийн даргад илгээсэн гэж НИТХ-ын төлөөлөгч С.Мөнхчулуун өгүүлэв. Мэдээллийг бүрэн эхээр нь хүргэж байна.

Цаг агаарын хэт хуурайшлын улмаас ой хээрийн түймэр гарах эрсдэл нэмэгдсэнтэй холбогдуулж Нийслэлийн Засаг дарга бөгөөд Улаанбаатар хотын Захирагч ой хээрийн түймрээс урьдчилан сэргийлэх талаар авах зарим арга хэмжээний тухай захирамж гаргалаа. Уг захирамжид иргэн, аж ахуйн нэгж байгууллагыг нийслэлийн ногоон бүсэд ойн дагалт баялгийг ашиглах, амралт, аялал зугаалга зохион байгуулахыг 2019 оны дөрөвдүгээр сарын 15-наас зургаадугаар сарын 15 хүртэл хориглосон байна.

Шадар сайд Ө.Энхтүвшин “Стандарт” банкинд 40 сая ам.доллар төлснөө гавьяа байгуулсан аятай зарласнаас хойш нэлээд хэд хоночихлоо. “Эрдэнэт үйлдвэр”-ийг онц байдал тогтоон байж эзэгнэсэн МАН-ынхны цаад санаа ерөөсөө л гадны банкны өрийг өгөх нэрээр мөнгө угаах явдал байсны зах сэжүүр тодорхой болсоор байна. Өр төлөхөд зуучилсан компанид хөлс гэж өчнөөн сая ам.доллар өгсөн тухай мэдээлэл хэвлэлээр цацагдаж байгаа. МАН-ын томчуудтай нийлж угаасан гэх мөнгөний хэмжээ нь арав гаруй сая ам.доллар. Зуучилсан компанийнх нь эзэн “Таван Богд”-ын Ц.Баатарсайханы хамаатан Д.Мөнхбаяр гэх мэдээлэл чих дэлсч байна.Түүнийг АНУ-д амьдардаг, Монголд ирж очин ажилладаг, танил улстөрчдөөрөө дамжуулж Эрдэнэт үйлдвэртэй трейдерийн гэрээ байгуулдаг, компанийн бүртгэлээ Америкаас Англи…

Улсын Их Хурлын 2019 оны хаврын ээлжит чуулганы өчигдрийн (2019.04.18) үдээс өмнөх нэгдсэн хуралдаан 10 цаг 08 минутад гишүүдийн 53.3 хувийн ирцтэй эхэлсэн.Хуралдаанаар Улсын Их Хурлын гишүүн Л.Болд нарын 6 гишүүнээс 2018 оны 11 дүгээр сарын 17-ны өдөр өргөн мэдүүлсэн “Түр хороо байгуулах тухай” Улсын Их Хурлын тогтоолын төслийн анхны хэлэлцүүлгийг хийсэн юм. Хууль зүйн байнгын хороо 2019 оны 04 дүгээр сарын 17-ны өдрийн хуралдаанаараа тогтоолын төслийн анхны хэлэлцүүлгийг хийсэн бөгөөд энэ талаарх санал, дүгнэлтийг Улсын Их Хурлын гишүүн Л.Энхболд танилцуулав. Өргөн мэдүүлсэн “Түр хороо байгуулах” тухай тогтоолын төслийн бүрэлдэхүүнд УИХ-ын гишүүн Л.Болд, Ж.Батзандан, Я.Санжмятав, Ц.Нямдорж, А.Сүхбат, Л.Оюун-Эрдэнэ нар байсан…

Ой хээрийн түймэр, хууль бус мод бэлтгэл, хортон шавьжны үр нөлөөгөөр Монгол орны ойн нөөц сүүлийн жилүүдэд эрчимтэй буурч, долоо хүрэхгүй хувьд хүрээд байна. ОБЕГ-аас өгсөн мэдээгээр зөвхөн энэ он гарсаар улсын хэмжээнд (дөрөвдүгээр сарын 17-ны байдлаар) нийт 34 удаагийн ой хээрийн түймэр гарч, гал түймрийн улмаас 1100 га ой мод шатжээ. Нэг мод байгальд ургаж төлжин, нас бие гүйцэтлээ урт удаан хугацаа зарцуулдаг. Гэтэл түймэрт өртсөн ой мод эргэж нөхөн сэргэхийн тулд хэдэн 10 жил шаарддаг. Өөрөөр хэлбэл, зөвхөн энэ хаврын түймэрт “хуйхлагдсан” 1100 га ой мод манай экологийн тэнцвэрт байдалд ямархуу хэмжээний хор хөнөөл учруулсныг тооцоолоход бэрх. …