Author: Business Insider
Монгол Улсын Их Сургуулийн Бизнесийн сургуулийн Эрдмийн зөвлөл хуралдаж, Монголбанкны Ерөнхийлөгч Б.Лхагвасүрэнд тус сургуулийн “Хүндэт доктор” цол тэмдэг гардуулахаар шийдвэрлэж, арванхоёрдугаар сарын 12-ны өдөр гардуулан өглөө. Хүндэт доктор цол тэмдгийг гардуулах ёслолд Монголбанкны Ерөнхийлөгч Б.Лхагвасүрэн болон холбогдох удирдлагууд, МУИС-ийн Бизнесийн сургуулийн Эрдмийн зөвлөлийн гишүүд, эрдэмтэн докторууд оролцов. Монгол Улсын Их Сургууль (МУИС)-ийн Эдийн засгийн факультет 1942 онд үүсгэн байгуулагдсан бөгөөд 1991 оноос Эдийн засгийн сургууль, 1997 оноос хойш Бизнесийн сургууль нэртэйгээр үйл ажиллагаа явуулж байна. Монголбанкны Ерөнхийлөгч Б.Лхагвасүрэн нь тус сургуулийг 1989 онд эдийн засагч мэргэжлээр төгссөн бөгөөд Бизнесийн сургууль байгуулагдсанаас хойших анхных, 1991 оноос хойших хугацаанд тус сургуулийн 3…
Монголын Тогтвортой Санхүүжилтийн холбоо, Монголбанк, Санхүүгийн зохицуулах хороотой хамтран энэ жилийн салбарын шилдгүүдийг энэ сарын 10-ны өдөр тодрууллаа. Уг арга хэмжээний үеэр 2025 оны “Шилдэг ТоС санхүүгийн байгууллага”-аар Монголын Ипотекийн Корпораци (МИК) шалгарсан байна. МИК нь 2024 онд “Онцлох ТоС санхүүгийн байгууллага”-аар шалгарч байсан бөгөөд ийнхүү хоёр жил дараалан ТоС холбооноос шагнал хүртэж буй нь компанийн тогтвортой санхүүжилтийн бодлого, хэрэгжилт нь өндөр түвшинд үнэлэгдэж байгааг илтгэж байна. МИК цаашид ч тогтвортой санхүүжилтийн чиглэлээр салбартаа шилдэг туршлага, шинэлэг санаачилгыг тасралтгүй нэвтрүүлэхийн зэрэгцээ дотоод болон гадаадын байгууллагуудтай идэвхтэй хамтран ажиллаж, олон улсын жишигт нийцсэн үйл ажиллагаагаа улам бүр өргөжүүлэн хөгжүүлэх зорилт тавин…
Монгол Улсад үндэсний мөнгөн тэмдэгт- төгрөгийг гүйлгээнд гаргасны 100 жилийн ойг тохиолдуулан Монголбанкнаас гүйлгээнд хүчин төгөлдөр бус дурсгалын 100,000 төгрөгийн дэвсгэртийг мөнгө цуглуулагчид болон сонирхогчдод зориулан худалдаанд гаргалаа. Дурсгалын 100,000 төгрөгийн дэвсгэртийн нүүрэн талыг Их Монгол улсыг байгуулсан эзэн Чингис хааны бэлгэдэлд зориулсан бол ар талыг өнөөдрийн тусгаар тогтносон Монгол улс байгуулагдах суурийг тавьж, эрх чөлөөгөө авчирсан Ардын хувьсгалын бэлгэдэлд зориулж, түүнийг удирдсан удирдагчид болон өнөөгийн Монгол орны газрын зургийг зохиомжлон орууллаа. Мөн дэвсгэртийн хоёр талд морьтон баатар болон морины эскиз зургийг зохиомжлон дүрсэлсэн бөгөөд үүгээр Их Монгол Улс ба тусгаар тогтносон Монгол Улс байгуулагдсан хоёр үйл явдлын аль алинд…
Монголбанк, “Монгол шуудaн” ХК-тай хамтран үндэсний мөнгөн тэмдэгт төгрөгийг гүйлгээнд гаргасны 100 жилийн ойг тохиолдуулан “Төгрөг-100 жил” маркийг өнөөдөр худалдаанд гаргалаа. Энэхүү маркийг бүтээхэд нано-фольго технологи ашигласан бөгөөд мөнгөн тэмдэгтийн өндөр нарийвчлал бүхий 5 төрлийн хамгаалалтын элемент оруулснаараа онцлог юм. Тухайлбал: Одоогийн гүйлгээнд буй том дэвсгэртүүдэд байрлах эзэн Чингис хааны хөргийг 22 каратын алттай, товгор загварын марк болгон хэвлэсэн. Энэ нь 22 каратын алтан ялтсыг халуун даралт ашиглан маркийн үндсэн материал дээр нааж, товгор дармал эффект үүсгэдэг өндөр зэрэглэлийн хамгаалалтын болон гоёлын технологи юм. Монголбанкнаас 1925 оны арванхоёрдугаар сарын 9-ний өдөр гүйлгээнд гаргасан цагаан мөнгөн “Нэг төгрөг”-ийн зоосон мөнгөн тэмдэгтийг…
Улсын Их Хурлын 2025 оны 62 дугаар тогтоолоор байгуулагдсан Оюутолгойн бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх Улсын Их Хурлын хянан шалгах түр хорооны нотлох баримтыг шинжлэн судлах сонсгол өнөөдөр Төрийн ордонд эхэллээ. Тус сонсгол арванхоёрдугаар сарын 8-12-ны өдрүүдэд үргэлжлэх юм. Өнөөдөр буюу арванхоёрдугаар сарын 8-ны өдөр “Жавхлант” (MV-15225), “Шивээ толгой” (MV-15226) ашиглалтын тусгай зөвшөөрлийн талбайн нөөцийг тогтоож, үнэлгээг тодорхойлсон болон холбогдох бусад баримтад үндэслэн төрийн эзэмшлийн хувь, хэмжээг тогтоохтой холбоотой асуудлаар нотлох баримтуудыг шинжлэн судална. Харин арванхоёрдугаар сарын 10-ны лхагва гарагт “Оюу толгой” ХХК-ийн Хувь нийлүүлэгчдийн гэрээний…
Монгол Улсын уул, уурхайн бүтээгдэхүүний экспорт эрчимтэй өсөж эхэлсэн нь төлбөрийн тэнцэл, гадаад худалдаа, банкны системээр хийгдсэн гадаад валютын урсгалыг нэмэгдүүлсэн. Монгол Улсын Засгийн газар болон Төв банкнаас суурь эдийн засгийн нөхцөл байдалтай уялдуулан гадаад зах зээл дээр гаргасан бондыг дахин санхүүжүүлэх, өндөр дүнтэй гадаад зээлийн эргэн төлөлтийг хийж гүйцэтгэх замаар өрийн удирдлагыг амжилттай хэрэгжүүлсэн. Ийнхүү, Монгол Улсын зээлжих зэрэглэл нэмэгдэж, гадаад санхүүжилтийн таатай орчин бүрдүүлсний үр дүнд 2025 оны 12 дугаар сарын 02-ны өдрийн эцсийн гүйцэтгэлээр гадаад валютын улсын нөөц 6,014.20 сая ам.доллар болж, түүхэн дээд түвшинд хүрлээ. Гадаад валютын улсын нөөцийн хуримтлал ийнхүү нэмэгдэх нь дотоодын эдийн засаг,…
Хөгжлийн бэрхшээлтэй иргэдийн эрхийг хамгаалах өдрийг тохиолдуулан “Тэгш эрх-тэгш боломж” нэгдсэн арга хэмжээ зохион байгууллаа. Сонгинохайрхан дүүргийн хэмжээнд 10400 гаруй хөгжлийн бэрхшээлтэй иргэн байдгаас хөгжлийн бэрхшээлтэй 1402 хүүхэд байна гэсэн тоон мэдээлэл бий. Иймд хөгжлийн бэрхшээлтэй иргэдийн эрхийг хамгаалах өдрийг тохиолдуулан “Тэгш эрх-тэгш боломж” нэгдсэн арга хэмжээг дүүргийн Засаг даргын Тамгын газар болон “Хөдөлмөр, халамжийн үйлчилгээний газар”, “Хүүхэд, гэр бүлийн хөгжил хамгааллын хэлтэс”, “Боловсролын хэлтэс”, НЕБ-ын 9 дүгээр сургууль, Нийслэлийн 26, 118 дугаар цэцэрлэг, “Нэгдсэн эмнэлэг”, “Эрүүл мэндийн төв”, “Гэрэлт андаган” ТББ, “Хүүхэд гэр бүлийн тэгш хөгжил төв” ТББ, “Гэрлэх ёслолын өргөө”-тэй хамтран зохион байгууллаа. Арга хэмжээгээр иргэдэд төрийн анхан…
Монголбанк 2025 оны 11 дүгээр сард 899.5 кг, оны эхнээс өссөн дүнгээр нийт 13.6 тонн үнэт металл, үүнээс Дархан-Уул аймаг дахь Монголбанкны хэлтэс 760.7 кг, Баянхонгор аймаг дахь Монголбанкны хэлтэс 1,665.1 кг үнэт металл худалдан авсан байна. Энэ нь өмнөх оны мөн үетэй харьцуулбал 14.2 хувиар буурсан үзүүлэлттэй байна. Монголбанкны үнэт металл худалдан авах үнийг дэлхийн зах зээл дээрх үнээр тогтоодог. 2025 оны 11 дүгээр сард алт худалдаж авах дундаж үнэ 467,367.93 төгрөг байв.
Томуу, томуу төст өвчин, амьсгалын замын халдварт өвчний тархалтыг хязгаарлаж, эрсдэл хүндрэлээс сэргийлэх, урьдчилан сэргийлэх ажлыг нийслэлийн хэмжээнд зохион байгуулж, эрүүл мэндийн байгууллагуудын эмч, ажилчдын уртасгасан цагаар ажиллах илүү цагийн хөлс, урвалж оношлуурын зардалд нэг тэрбум 400 сая төгрөгийг Засгийн газрын нөөц сангийн хөрөнгөөс гаргахаар тогтлоо. Томуу, томуу төст өвчнөөс урдчилан сэргийлэх, өвчний тархалт нэмэгдэхээс сэргийлэх арга хэмжээ авч, эрүүл мэндийн байгууллагуудыг уртасгасан цагаар ажиллуулах арга хэмжээг зохион байгуулж, шаардлагатай урвалж оношлуураар хангаж ажиллахыг Эрүүл мэндийн сайд Ж.Чинбүрэнд даалгалаа. Монгол Улсын хэмжээнд тархвар судлалын 47 дугаар долоо хоногт томуу, томуу төст өвчний тархалт “Улсын хэмжээний дэгдэлт”-ийн түвшинд хүрч 10,000 хүн…
Азийн хоёрдогч моргейжийн зах зээлийн холбооны (ASMMA) 2026 оны даргаар Монголын Ипотекийн Корпорацийн гүйцэтгэх захирал Б.Гантулга сонгогдлоо. Япон, Өмнөд Солонгос, Филиппин, Узбекистан тэргүүтэй бүс нутгийн ипотекийн байгууллагуудыг нэгтгэсэн тус холбооны ээлжит жилийн уулзалт энэ сарын 28-нд Узбекистаны Самарканд хотод зохион байгуулагджээ. Энэ үеэр бүс нутгийн ипотекийн байгууллагуудын төлөөллүүд хоёрдогч ипотекийн зах зээлийн хөгжлийн чиг хандлага, хамтын ажиллагааны механизмыг өргөтгөх боломж болон ирэх жилийн тэргүүлэх зорилтуудыг хэлэлцсэн байна. Ээлжит хурлын үеэр Монголын Ипотекийн Корпорацийн гүйцэтгэх захирал Б.Гантулгыг ASMMA-ийн 2026 оны шинэ нарийн бичгийн даргын албан тушаалд нийт гишүүдийн саналаар баталсан байна. Түүнчлэн Узбекистаны Ипотекийн Санхүүжилтийн Корпораци (UzMRC) болон Монголын Ипотекийн Корпорацийн…