Author: Business Insider
Ардчилсан намын Үндэсний бодлогын хороо өнөөдөр /2025.08.31/ хуралдаж, намын даргыг тодруулна. Энэ удаа АН-ын даргад УИХ-ын гишүүн, УИХ-ын дэд дарга Б.Пүрэвдорж, УИХ-ын гишүүн, УИХ дахь Ардчилсан намын бүлгийн дарга О.Цогтгэрэл, УИХ-ын гишүүн Ж.Баярмаа, Ардчилсан намын Үндэсний бодлогын хорооны гишүүн Б.Отгонбат нар нэр дэвшин, өрсөлдөж байна. АН-ын Үндэсний Бодлогын хороо 380 гаруй гишүүнтэй бөгөөд тэдний хамгийн олон санал өгсөн өрсөлдөгч Ардчилсан намын даргаар сонгогдох юм. Нэр дэвшигчид нээлттэй мэтгэлцэж байр сууриа илэрхийлээд буй. Энэ удаагийн АН-ын сунгаа ирэх 2027 оны Ерөнхийлөгчийн сонгууль, 2028 оны УИХ-ын сонгуульд ялах эсэхийг шийдэх тул чухал ач холбогдолтой сонгууль юм. Нэр дэвшигчд дараах байр суурийг илэрхийлээд…
Ардчилсан намын даргын сонгуульд нэр дэвшигчид өнөөдөр 20:00 цаг NTV телевизээр мэтгэлцэх гэж байна. Тус намын Үндэсний бодлогын хорооны пүрэв гарагийн /2025.08.28/ хуралдаанаар, Дотоод сонгуулийн хорооны сонгогдсон гишүүд 2023 оны нэгдүгээр сарын 13-нд батлагдсан журмын дагуу ажиллаж, УИХ-ын гишүүн, УИХ дахь АН-ын бүлгийн дарга О.Цогтгэрэл, УИХ-ын гишүүн, УИХ-ын дэд дарга Б.Пүрэвдорж, УИХ-ын гишүүн Ж.Баярмаа, АН-ын гишүүн Б.Отгонбат нарыг нэр дэвшигчдээр тодруулснаа зарлан, үнэмлэхийг нь гардуулсан. Тэд өнөөдөр мэтгэлцэж, намын дарга болсноор хэрхэн ажиллах бодлогоо танилцуулна. Улмаар маргааш буюу наймдугаар сарын 31-нд АН-ын Үндэсний бодлогын хорооны гишүүдэд мөрийн хөтөлбөрөө танилцуулж, гишүүдийн саналаар Ардчилсан намын дарга сонгогдох юм. Нэр дэвшигчид дараах байдлаар…
Ардчилсан намын даргад нэр дэвшигчд өнөөдөр НТВ телевизээр шууд мэтгэлцэж, бодлогын байр сууриа илэрхийллээ. Хэн ямар зарчмаар ажиллах, ямар хүрээнд бодлогоо тодорхойлж цааш явах гэдгээ нээлттэй илэрхийлж, харьцуулах боломж олгодгоороо мэдтгэлцээн чухал ач холбогдолтой байв. Ингээд зарим гол асуултад АН-ын даргад нэр дэвшиж байгаа УИХ-ын гишүүн, УИХ дахь АН-ын бүлгийн дарга О.Цогтгэрэл, УИХ-ын гишүүн, УИХ-ын дэд дарга Б.Пүрэвдорж, УИХ-ын гишүүн Ж.Баярмаа, АН-ын гишүүн Б.Отгонбат нар хэрхэн байр сууриа илэрхийлсэн хариултыг хүргэе. АСУУЛТ: АН-ын эв нэгдлийг бэхжүүлэх таны байр суурь юу вэ? Жудагийн Баярмаа: -АН бол харьцангуй дотоод ардчилалтай нам. Бид заримдаа төөрч будилдаг. Тиймээс АН-ын үзэл баримтлалаа байнга тордож сэргээх…
Ардчилсан намын дотоод сонгуулийн хорооны тогтоолыг танилцуулж, намын даргад нэр дэвшигчдэд үнэмлэх гардууллаа. Одонгийн ЦОГТГЭРЭЛ УИХ-ын гишүүн Мэргэжил: Эдийн засаг Сонгуульт албан тушаал: 2009 он Ардчилсан намын гишүүн 2013 оноос АН-ын ҮЗХ, ҮБХ-ын гишүүн 2014-2017 он Увс аймгийн Ардчилсан намын дарга 2017 оноос АН-ын Улс төрийн зөвлөлийн гишүүн Бөхчулууны ПҮРЭВДОРЖ УИХ-ын дэд дарга Төгссөн сургууль: 1990-1994 онд Монгол улсын их сургуулийн Олон улсын харилцааны дээд сургууль Мэргэжил: Гадаад харилцаа, багш, орчуулагч Сонгуульт албан тушаал: 1992 оноос Ардчилсан намын гишүүн 2004-2012 болон 2016 оноос Үндэсний бодлогын хорооны гишүүн 2009-2012 он Ховд аймгийн Ардчилсан намын дарга 2019-2020 он Ардчилсан намын дэд…
Төв аймгийн Баян сумын нутаг дэвсгэрт байрлах Төгрөг нуурын бүлэг ордын талбайд тусгай зөвшөөрөл эзэмшигч нь ордын нөөцөд үндэслэн техник эдийн засгийн үндэслэл, олборлолтын хүчин чадлаа тодорхойлсон хэдий ч хуульд заасан хугацаанд өргөдөл гаргаж, эрх бүхий байгууллагуудтай гэрээ байгуулаагүй хууль зөрчсөн тул “Төгрөг нуурын энержи” ХХК-д олгосон хайгуулын тусгай зөвшөөрлийг Ашигт малтмалын тухай хуулийн 56.1.8-д заасныг үндэслэн хүчингүй болгож шийдвэрлэхийг Ерөнхий сайд Г.Занданшатар даалгалаа. УИХ-ын 2007 оны 27 дугаар тогтоолын хоёрдугаар хавсралтад заасны дагуу Төгрөг нуурын ордыг стратегийн ач холбогдол бүхий ашигт малтмалын ордод хамааруулах, ордын талбайн хил заагийг Засгийн газраас тогтоох асуудлыг яаралтай боловсруулж, ирэх сард багтаан Засгийн газрын…
Монголын Ипотекийн Корпораци (МИК) болон Японы Орон сууц санхүүжилтийн агентлаг (JHF) нь Монгол Улсад тогтвортой, ногоон орон сууцны санхүүжилтийг нэмэгдүүлэх, зорилтот зах зээлд чиглэсэн бондын зах зээлийг хөгжүүлэх зорилгоор техникийн туслалцааны хамтын ажиллагааны гэрээ байгууллаа. Энэхүү гэрээ нь 2025 оны 8 дугаар сарын 1-нээс 2026 оны 1 дүгээр сарын 30-ны өдөр хүртэл хэрэгжих бөгөөд хоёр байгууллагын хооронд 2019 онд байгуулсан Хамтын ажиллагааны Санамж бичгийн хүрээнд хийгдэж буй дараагийн томоохон алхам юм. Тус гэрээний хүрээнд Тогтвортой хөгжлийн бодлого боловсруулах, Зорилтот зах зээлд чиглэсэн бонд гаргах бэлтгэл хангах, Дотоод чадавхи бэхжүүлэх, Олон улсын стандартад нийцсэн шилжилтийн төлөвлөгөө боловсруулах, Тогтвортой санхүүжилт, ногоон орон…
Төрийн хэмнэлтийн тухай хуульд зааснаар 2025 оны тавдугаар сарын 31-ний өдрийн байдлаар гэрээ байгуулагдаагүй төсвийн хөрөнгөөр санхүүжүүлэхээр батлагдсан төсөл, арга хэмжээний санхүүжилтийг төсвийн хэмнэлтэд тооцох, төсөвт төвлөрүүлэх арга хэмжээг авахыг төсвийн захирагч нарт үүрэг болголоо. Монгол Улсын 2025 оны төсвийн тухай хуулиар батлагдсан улсын төсвийн хөрөнгө оруулалтаар хэрэгжүүлэх төсөл, арга хэмжээний гэрээ байгуулагдаагүй санхүүжилт болох 535,9 тэрбум төгрөгийг хэмнэлтэд тооцлоо. Эрүүл мэндийн сайдын багцаас 69.9, Хот байгуулалт, барилга, орон сууцжуулалтын сайдын багцаас 36.6,Боловсролын сайдын багцаас 33.7, Зам, тээврийн сайдын багцаас 33.4, Соёл, спорт, аялал жуулчлалын сайдын багцаас 19.7, бусад сайд нарын багцаас 342.7 тэрбум төгрөг нийт 535.9 тэрбум төгрөгийг төсвийн…
Засгийн газрын хуралдаанаас “Дулааны гуравдугаар цахилгаан станц” ТӨХК-ийн үйл ажиллагааг хэвийн горимд шилжүүлэх, болзошгүй эрсдэлээс урьдчилан сэргийлэх зорилгоор Засгийн газрын шууд хяналтад авч, зургаан сарын хугацаагаар онцгой дэглэм тогтоох шийдвэр албажлаа. Онцгой дэглэмийн хугацаанд Монгол Улсын Засгийн газарт эрх олгох тухай хуульд заасан арга хэмжээг авч хэрэгжүүлэн, компанийн үндсэн үйл ажиллагаа, удирдлага, зохион байгуулалтыг шууд хариуцан гүйцэтгэж, компанийг бүрэн төлөөлөх эрх бүхий Засгийн газрын Онцгой бүрэн эрхт төлөөлөгчөөр Нансалын Тавинбэхийг томилж, түүний үйл ажиллагаанд хууль эрх зүйн болон мэргэжлийн дэмжлэг үзүүлж ажиллахыг Монгол Улсын сайд, Засгийн газрын Хэрэг эрхлэх газрын дарга С.Бямбацогт, Эрчим хүчний сайд Б.Чойжилсүрэн нарт үүрэг болгов. Мөн…
Монголбанк, Бреттон Вүүдсийн дахин зохион бүтээх хороо (Reinventing Bretton Woods Committee) хамтран “Нийлүүлэлтийн саатал болон худалдааны шоктой үе дэх дэлхийн эдийн засаг: Мөнгөний бодлогын үр нөлөө” сэдэвт олон улсын хурлыг 2025 оны 6 дугаар сарын 19-21-ний өдрүүдэд Улаанбаатар хотноо зохион байгуулж байна. Хурлыг нээж, Монголбанкны Ерөнхийлөгч Б.Лхагвасүрэн хэлсэн үгэндээ “Нийлүүлэлтийн гаралтай шокууд нь эдийн засгийн тогтвортой байдалд эрсдэл учруулж, бодлого боловсруулагчдад сорилт болж байна. Энэ үед Төв банкнууд мөнгөний бодлогын үр дүнтэй байдлыг дээшлүүлэхийн тулд уламжлалт үүрэг ролио эргэн харах, тоон болон чанарын мэдээллийг сайжруулах, тооцоолол, дүн шинжилгээний арга техникийг боловсронгуй болгох, мөнгө-сангийн бодлогын уялдааг бэхжүүлж ажиллах шаардлагатай байна. Мөн…
Монголбанкны Мөнгөний бодлогын хорооны зургадугаар сарын 12, 13-ны өдөр ээлжит хурлаа хийлээ. Энэ үеэр эдийн засаг, банк, санхүүгийн зах зээлийн өнөөгийн байдал, дотоод, гадаад орчны төлөв, эрсдэлийг харгалзан үзээд: Бодлогын хүүг 12 хувьд хэвээр хадгалах; Банкнаас шинээр олгох болон тус шинээр олгосон зээлийн нөхцөлийг нь өөрчлөх тэтгэвэр, тэтгэмжийн орлого барьцаалсан зээлийн хувьд өр, орлогын харьцааны дээд хязгаарыг бусад хэрэглээний зээлийн адилаар 50 хувиар тогтоохоор шийдвэрлэлээ. Жилийн инфляц алгуур саарч, 2025 оны 5 дугаар сард улсын хэмжээнд 8.3 хувь, Улаанбаатар хотод 9.4 хувьтай гарлаа. Инфляц ийнхүү саарахад мах, гурил зэрэг хүнсний гол нэрийн бүтээгдэхүүн болон импортын барааны үнийн өсөлт саарсан нь…